قصة حقيقيه على احد شواطئ الخليج ؛:؛ ادمعت عيناي؛؛

سلام عليكم
اشحالكم ؟؟اخباركم؟؟اعلومكم؟؟عساكم بخير ونعمه...
مابطول عليكم واايد بس احب اقول لكم هاااي القصه حقيقيه واتنى تااخذون العبره منهاا
خلوني اقولكمو القصه



قصة حقيقيه على احد شواطئ الخليج ؛:؛ ادمعت عيناي؛؛



فيه اثنين شباب راحوا البحر جلسو على الشاطئ ومعاهم عشاهم.
وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل.
ولما شافوها قالولها أنتي جوعانة قالت أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعد شوي
..المهم جابوا لها عشاء وتعشت
.. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي آخذك .
قالت العجوز إيه معي الرقم في ورقه
.. ولما طلعت الورقه
.. ايش تتوقعوا مكتوب فيها ؟؟؟؟؟
مكتوب
( من يجد هذه المرأه يآخذها لدار العجزه)
انصعقوا الشباب من المكتوب في الورقة وجلسوا ساعة يترجون العجوز تمشي معاهم.
ويحاولون فيها إنهم يوصلوها أي مكان هي تبيه .
أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه . > >ماتدري المسكينه إن ولدها تنكر لها ورماها في الوقت الي هي فيه محتاجه له
..المهم راحوا الشباب عنها وأتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطئ.
ولما وصل.
شاف الاسعاف والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تستنا ولدها يجي يآخذها.
ماتت وهي بعيده عن أهلها.
الله يرحمها برحمته ويدخلها من أوسع ابواب جنته.
أدعوا معي آمين.
أرجو من كل من يقرأ هذه القصه أن ينشرها لتكون موعظه لكل عاق لوالديه

عليكم السلام حالنا يسرك اخبارنا طيبه علومنا زينه نحمد الله خيتو
ياالله يالله يالله يالله يالله ياالله ناس ماتقدر النعمه الي عندها الله يرحمكي ياامي الله يغفر لك ويوسع لك في قبرك ويجعل قبرك روضه من رياض الجنه اللهما واجمعني بها في جنات النعيم وارحم اللهما جميع امهات المسلمين
صحيح مايعرف قدر النعمه الا الي فاقدها تقبلي تحياتي وربي كدرني هالخبر شاكرين لكي

مشكوووره يالغلا على القصه الرائعه

الله يعطيك الف عافيه