الشمعة

بسم الله الرحمن الرحيم

ياخي من بيني من بينك



كم مره طعنتك ايدينك



وكم مره تضوي هالعالم



والعالم ما غير يدينك



طيب والله ودي أفهم



يعني كل هالعالم تظلم



والله لو حلمان مكذب



لكن ياخي عيني عينك...!







العين شمعه والدموع ان ذابت
والوقت ريح وغبرته تعميها
فتيلها رمشن عليها نابت
فيها ربا واجتث كله فيها
عاشت تحاربه الظلام وشابت
تنقل الى ضلع الشعر خافيها
خابت أمانيها ولا هي خابت
لو من تنور له غدى يعشيها
بياضها من ساس صدقن ثابت
وسوادها من ما ترا كاسيها
راحت بتشكي للجسد وش يابت
غير الجروح الداميه تلعيها
العقل مكبوتن ووقته كابت
شعره ويصبح حكمته يرثيها
مما يرا من ناس عصره تابت
أكثر خلاياه ان تعي تاليها
ناسن تصوب بعضها وانصابت
من كثر ما تغدر غدر حاميها
يدها بخيله فالسخا وان رابت
وان هي عطت تبخل ع من يعطيها
الفقر هاب وزمرته ما هابت
زمره يزيد الفقر ظلم ايديها
زمره اذا نادى المغني ثابت
واسماعها للحق ما تصغيها
عابت مساعيها ولو منعابت
دام البشر تالي الى باريها
والقلب عن فرحه همومه نابت
وارخت على كل الجسد ساقيها
الحب نوبة دافئه وانتابت
أجزاء قلبي واصبحت تدفيها
والصدر غيمه في الهوا مارتابت
واضفت على جو الهوا طاريها
لكن بعض الخلق أبد ما طابت
نفوسها لين احرقت دافيها
بعد الفرح ماكان كفه رابت
على كتوف الحب وامغطيها
أنا شربت من الحزن واصطابت
عوج أضلعي واتنهدت بي اييييييها
وهي اشربت دمعه بفيها انسابت
من بعد ما كنت أرتوي من فيها
لكن وخالق شمعتي لي ذابت
لحرق بقايا شمعتي وارجيها
واجعل فتيل الشوق فيها نابت
فيها ربا وباقي أبد هو فيها

امين
وشكراًعالمرور