مابي حياتي دام خلي هجرني .. !! خلي هجرني تكفى ياموت زرني
وإن ماقدرت دلني مكانك وانا اجيك ..
مابي حياتي دام خلي هجرني
مابي حياتي دامه يقول مابـيـك
يدري بظلم الناس يدري وظلمني
وأكد كلام إللي يقولون ناسيك .. !!
لكن قبل لا تاخذ الروح مني
بسأل حبيبي كم سؤال واخاويك
و شلون قلبك يا حبيبي تركني
و تدري بخفوقي كم له سنين هاويك
وماتدري بعادك وصدك ذبحني
وماتدري عن دمع نثرته وأنا أرجيك
إسال جميع الناس وش صار عني
إسال وش اللي صار في حال مغليك
لو علموك وش كثر همي وحزني
من يوم حبي انتهى وصار ماضيك ..
لو علموك عن قلبي اللي يونّي
مطعون يصرخ يشتكيلك يناديك ..
لو عاش عاقل عيشتي كان جنّي
حالي لو تشوفه بعيونك يبكيك !!
صار الحزن هو لعبتي صار فنّي
ابكي ندم والله الى حل طاريك
ضيقت صدر ويا الهموم اسكنتني
أحكي وأكمل ولا ما قلت يكفيك ...
إللي سمعته بسبّتك إنت جتني
عطيتني كرهك وأنا الحب معطيك
ضاعت سنيني وأنا بالحب أبني
قصوور وانهدّت سبب فعلت إيديك
جاك الوفا والحب والعشق منّي
حتى الوله والشوق والصدق معطيك
قلبي وفالك وإنت قلبك خدعني
خدعت قلب كان بالحب شاريك
بكذب وخيانة وغدر قلبك حضنّي
في وقت قلبي فيه يسهر يداريك ..
ما كنت أظن قصدك بحبك تذلنّي
ذليتني من بعد ما مت أنا فيك !!
هذي حقيقة بعض ما منك جتـني
و بعض الذي اسقيتني إنت بأياديك ..
ما كنت ساكت خايف بس لأني
ميت بحبك ما أقدر أزعلك وأشقيك .. !!
حرّمت أقولك من محبتك عطني
ما دام غيري في محبته مرضيك ..
ببعد بعيد وأوعدك ما أحنّي
أبشر أببعد ومع حبيبك بخليك
خلّصت هرجي الحين يا موت خذني
تاركلك الدنيا بها الله يهنيك
واذا سأل في يوم أنا إنسان عنّي
قلّه توفى والسبب طعن بإيديك .. !!
أنت غير مسجل في منتديات كشكول . للتسجيل الرجاء إضغط هنـا
الإهداءات
03-04-08, 03:47 PM
مابي حياتي دام خلي هجرني .. !!
