اختبر مستوى رجتك

12-28-07, 03:25 PM

((( اختبر مستوى رجتك))))))

هل أنت مرجوج ؟

وإذا كنت كذالك .. ماهو مستوى رجتك ؟

ومالعلاج ؟

للإجابة على هذه الأسئلة ماعليك

سوى اجراء هذا الاختبار النفسي .. <<<<صــــــدق

السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك : 1

- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .

2- توخر النملة عن وجهك و تنتفها وانت تلعنها وتشتمها .

3 - تخلي النملة تدخل خشمك .

السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياااض .. حب ورثته من الجدوووود هع هااااااااااااااااااي والله تسحيبة يمة .

2- تجي بشويش من ورى أمك وهي سرحااانة وتصرخ في أذنها وتقول : مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله .

3- تطلع غرفتك وماتسوي شيء

السؤال الثالث :

انت توك مقيل وماخذ لك قيلولة(تصفيره) على كيف كيفك ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :

1- تجي يعنني تكنس وتغطي عليهم التليفزيون <<< أحلى يا أليسا

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف مادريت

3-تقعد تتفرج معهم.

السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :

1- تنسم كفراته الأربعة .

2- تسلم عليه وتلزم عليه يعزمك على العشاء .

3- تشتري له تويكس معك

النتيجة : ـــــــــ

أعط نفشك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة

ــــــــــــــــــــــــ
اذا كان مجمع اجاباتك
9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

واذا كان مجموعك
5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .

اما اذا كان مجموعك
4 - 5

يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة في المنتدى .

يله عاد كل واحد يقول لنا وش طلع له وهو من اي فئه

12-29-07, 01:40 AM

اقتباس:

المشاركة الأصلية بواسطة حـــلا نــجــد

واذا كان مجموعك
5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .

ههههههههههههههههههه
هذا الي طلعلي عاد حرام عليك ماني نذله
تسلمين والله
الله يعطيك العافيه

12-29-07, 01:43 AM

ههههههههههههههه

الاميره

يعطيك الف عافيه على مرورك الطيب

12-29-07, 02:05 AM

اقتباس:

المشاركة الأصلية بواسطة حـــلا نــجــد

اذا كان مجمع اجاباتك
9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

مشكوره حلا بس الهبال يكون حلو احيانا
وهذا الي طلعلي

متميزين كشكول لهذا اليوم
العضو المميز	الموضوع المميز	المشرف المميز	المشرفة المميزه
	دعـــــاء لاتستطيع الملائكه كتابة حسناته بقلم : ساحر القرن الأخير

اختبر مستوى رجتك

فلــة وأحلى طلــة