أنت غير مسجل في منتديات كشكول . للتسجيل الرجاء إضغط هنـا
 |
 الإهداءات |
| متميزين كشكول لهذا اليوم | |||
| العضو المميز | الموضوع المميز | المشرف المميز | المشرفة المميزه |
| ][ وتح`ـطمت طموٍوٍحْ ][ ..!
بقلم : !! احســـاس الـــورد !! |
|||
| آخر 6 مواضيع |
|
|
|||||||
| القصص والروايات قصص واقعية , حكايات , قصص قصيرة , قصص منوعة , روايات عالمية , وقصص حب , وأكثر تجده هنا .. |
برامج كشكول new
ألعاب كشكول new
 |
|
|
LinkBack | خيارات الموضوع |
12-27-07, 03:06 PM
|
#1 | |||||||||
|
هيبة تواضع في قمة كبرياء
 
تاريخ التّسجيل: Dec 2007
الإقامة: مع كفيلي ...!
مزاجي:
|
مشاركتي في مسابقة القصص : [][][]حبي الاول[][][]
هذه كتاباتي في مسابقة (شفايف كرز) وأتمنى أن تنال أعجابكم كان هناك شاب يطل مع أحد النوافذ في بناية كبيره على ضفاف مدينة الطائف ويرمق للمارة بعيناً دامعة وقد ابتعد من أهله ومن البيت الذي ترعرع فيه فلقد أشتاق لأمه وأبيه وأخوته ولا يستطيع أن ينتظر حتى نهاية الدوام فالوقت توه بدري الساعة ثمانية والدوام ينتهي الساعة الواحدة ونصف وهو يادوبه واصل وهذا أول دوام له ويبعد بيته ما يقارب ستة كيلو متر <<<<< رح بالي أنه مغترب وكان يفكر من أول مادخل البناية على عشرات المشاريع وعلى رأسها الزوووووووواج طبعا هذي الأفكار تراوده وهو توه ما عرف وين عمله ولبعد قابل حتى رئيسه مالكم في الطويلة سارت عقارب الساعة بتثاقل <<<<< ركزوا على تثاقل وطلع من الدوام بعد الساعة 1:30 وذهب إلى البيت وكان همه الوحيد هو تنفيذ مشاريعه المستقبلية وش رايكم ناخذ القصة من فرت صاحبها مباشره فل ندع له الحديث فليتكلم... وأتمنى أنكم تنصتون له لأنه أنا طبعا أول ما وصلت البيت كلمت البابا والماما <<< اقووول تكلم زين يا جنط طيب ويم كلمته وهواللي يخزني بعين ويصارخ علي ويقول : ممداها تبرك فتبتحص <<<<< لحد يسأل عن معناها سمعتها وقلتها ونا اللي يضيق خاطري وعصب ويوم شاف ابوي ملامح خشتي تغيرت قال خلاص يا حقنه اذا كانت بنت معينه في عينك علمنا نخطبها لك وانا اللي أدور في مخيلتي يمين يسار ياولد تذكر لك بنت تعرفها وتبي تزوجها ... زين من أيام أطفوله .. طيب من بنات الجماعه ... طيب من حيكم .. والله ويطلع لي لا يوجد نتايج للبحث من يوم عرف نفسه وهو مع شلت تماسيح عرا بجه ولا يعرف السحالي إلى بطاري المهم خذيتها براسي وانا الي أنقز واركب سيارتي وارح افرفر في الشوارع أدور بنت تعجبني <<< لا تلومونه توه ( بِكرِ) مايعرف شيء ما علينا بقيت على هذه الحالة شهر عدت منها بفشل ذريع ومدوي وتملكني اليأس <<<<<<< ناقصة بس الموسيقى الحزينة وينقلب فلم لعادل جلال ****** وفي يوم من ألأيام ونا موقف عند سوبر ماركت (مركز شبرا) لقيت جمس ونازله منه ذيك البنت اللي لابسه مخصر وانا اللي أفهي معها وهي والله ماتدري عني دخلت المحل وانا مدري وش كنت ابي في المركز المهم دخلت واشتري لبن ابو ريالين <<<<< يلعن أم الفكك ويوم شفت الجمس حرك وانا أخم عمري لسيارتي ولا يمديني اجلس على المرتبة ألى أحس ان فيه قوة خارجية تسحبني للخارج ويوم انتبهت اللى اليماني اللي يبيع في المحل يجرني ويقول : ياجني وين تشتهي تروح .. مادفعت الحساب واقوم واعطيه ريالين وانا أحس أن قلبي دربق دربق دربق ((أما أن الحياة حلووة مرررره )) بس والله تركته يماني مسكين يبي يترزق الله وشوف الناس الي في المحل يضحكون . ..مادري ليش اتوقع انهم يضحكون على اليماني <<< عاش مصرف .. المهم الجمس روح ولا ادري وين راح وانا الي ارجع للبيت وقد أصابني الحب في مقتل <<< يسمع بالحب من ألنظرة ألأولى حسوا أهلي أني تغيرت .. كثير الصمت .. أنقلبت شاعر بين ليلة وضحاها .. أدنا كلمه رومنسيه تبكيني <<<<يلعن أم الحب اللي تعرفه حتى زملائي في العمل أنقدوا علي يقلون أني سحبت عليهم معذورين ما يعرفون عن قلبي وما أصابه <<<<<<قيس أبن الملوح فرع الطائف حتى مديري على انه ما يهظمني (( مانزلت له من زور )) يناظرني نظرة أستغراب قعدت على ذي الحالة شهر كامل حتى أستدعاني المدير وقال وش تبيني أقولك ياالشوق.. ألساني تحرول ..ماعرف كيف أشكرك على انضباطك .. عاد انا قمت أتكلم وابوسم بين كل كلمه وكلمة وقلت هذا واجبي ... ((وهو اللي يرفع صوته ويقول : يامهايطي انتبه لنفسك لأرميك برى الطائف )) عاد مديرنا وجهه كنه مغراف فول يذكرني بأم هلال الا انه عنده شنب هذا الفارق الوحيد بينه وبين أم هلال وعاد لا كشر ينقلب النسخة ألاصليه لها المهم خذا علي تعهد وطلعت من مكتبه وأنا في عيني عبرة تمتحني وصدري وحلقي شكاوي <<<<<أقولكم الولد أنقلب شاعر لا والقصايدة كلها مسروووقه ويجيني زميلي ويقول روح للشرطة فيه واحد من موظفينا هناك وحطيناك المندوب .. ويعطوني سيارة العمل ددسن غمارة ويوم وصلت لمحطة البانزين اللى واشوف الجمس نفسه واقف يعبي من نفس المحطة واخليه يوم حرك وقعدت اتبعه من حارة لحارة لما وصلت حي شهار وقفت عند الأشارة معه وهو كان واقف جنبي وقعدت اطالع لداخل الجمس ...اللى وهذي حبي الاول جالسه من جهتي قلت بس وصلنا خير . .. وتولع ألاشارة ويلف هو يمين ويخش الحي وانا اللي أدعس لأم عراوي .. وتقوم تكحكح وتفتف وتطفئ ... أحاول فيها تشتغل وتعيي تشتغل . . ونزل منها وا أشوت الكفر القدام <<<<<<< ماادري ليش بس أشوفهم في ألافلام يسونها **************** بطبيعة الحال عرفت وين الحي وعرفت السيارة الجمس ولا بقى اللى أني اعرف البيت وينه ومن صاحبه وطبعا ألامر يحتاج إلى المغامرة <<<<<<; بدينا في الأكشن طلبت من المدير أجازة أضطرارية فرفض فقلبتها غياب على حساب الدولة وخذيت سيارة واحد من الشباب كابرس 89 <<<<; أخس يا جمس بوند واشتريت دواسيس جلد سوداء ونظارة حقت الحام حديد . وحبل <<<<<t; مادري ليش الحبل اشوفهم يسون كذا قلت يمكن أحتاجه وخصصت اربعة وعشرين ساعة للبحث والتحري يتخللها ثمن ساعات نوم وثلاث ساعات أكل وثلاث طعشر ساعة عمل دؤوب يرتكز في الدوجه في حي شهار.. وقمت بتخطيط الموقع ومعرفة نقطة البدأ <<<<<; الله يستر منك ياخطير وبدا العمل الساعة سبعه الصباح والساعة احدعشر وانا في مركز شرطة النزهه في التوقيف بلغوا علي أهل الحي يحسبوني ارهابي <<<<< مالكم في الطويلة جاء اخوي وطلعني بكفالة الساعة ثلاث العصر وارجع لأستئناف البحث ولكن هذي المرة على أرجولي ليكون التركيز أكبر وانا أمشي وقاطع الخط وعيني على بيت واقف عنده جمس يشبه الهدف المنصوص عليه ألا واسمع صوت كفرات تزحف وانا اللي التفت اللى والجمس جايني يزحف ولولا رحمة من ربك كنت تحتة ووقف الجمس وألاعلى الباب الايمن البنت نفسها مما خلاني أفقد أعصابي وأقول بدون تحكم ذاتي مني :: هلا والله وغلا وبصوت مرتفع مما زاد الطين بلة والمرض علة وينزل الي يسوق وأدقق النظر فيه بعد مارجعت لرشدي ولقد هالني المنظر .. ماادري كيف دخل هذا في السيارة ... مبنى كامل يمشي ويجيني وهو مكشر وعقالة في يده ويوم تحققت في الواقع المؤلم المحيط بي .. أطلقت سيقاني لريح ... أمسكه ماتمسكة .. وهو اللي ينطلق وراي وأخش في ارض براحه فيها شباب يلعبون كورة .. واشطف ملعبهم من القول للقول وهم يصيحون علي متخاف متخلف يحسبوني عامل جاي عمره ومنحاش مادرو أن بين جنبي قضية أكبر من أني متخلف... قضية حياة او موت ويصيح عليهم هذا العلة اللي كافخ وراي <<تقول باص نقل جماعي ويقول أمسكوه أمسكوه .. فعلمت أني أحتاج إلى سرعة أكبر .. فقمت بتخلي عن نعالي تهيأ لتشغيل التيربو .. وما قطعت شارعين مادري ثلاثة لا وحس اني تعبت <<<< لزوم التيربو تسحب طاقه أكثر . واشوف سوبر مغيم واقف وهو شغال عند بقالة .. واطمر فيه واعشقة وتنطلق عيني على المراية الوسطى ... كني شفت أحد وراي ويوم التفت ابي أتحقق من اللي شفته لا مئة آلف طقاقة راكبين وراي اللون كحلي غامق.. الوزن الحبة يتراوح مابين مئة كيلو فاكثر <<<<. قد أستغربت دفرنسين منزل. يسحب في الارض مايجي ... ولا تسمع اللى انواع أصياح والسب وصفق شناط اليد على قفاي على كم طار صغير .. وانا اللي أنزل بعد مازدت عدد المطاردين لي .. مالكم في الطويلة انحنيت يسار لاعتراض اسوار الجامعة اباري أسورها بينهم وبين غروب الشمس عجتي ثايرة حتى غبت عن أنظارهم .. وعقبها ماعاد دخلت حي شهار حتى زملائي يذكون ان الحي تطور عقبي وأخر عهدي بالبنت ذلك الوقت ورجعت لحياتي الطبيعيه بعد قصة حب فاشلة <<<<<<<< وانت أمداك تحب .. وتبعتها بأيام قصة بحث أخرى <<<<<< أقول أقطع السالفة واهجد اهجد بصكك ودمتم مع كشكوول دايماً الهوامش ومعاني الكلمات فرّت\فرر هي الفم لدى اهل الطائف والفم والخشم لدى غيرهم ممداها تبرك فتبتحص مثل يدل على الأستعجال ( والمعني الناقه أنها اذا بركت تبطي ما تتحرك ) على حد علم الناقل خشه\خشتي هي الوجه دون ألاذاني وتطلق عادة على الشخص الوسيم تمساح هو الشاب الذي يبلغ عمره فوق الخمس طعش وتحت الثلاثين وما دون ذلك يسمى ورع وما فوق يسما هرش السحليه هي الفتاة فوق الخمس طعش وتحت الثلاثين وما دون ذلك يقال لها فريخ وما فوقها يقالها فاطر مهايطي هذا مرض منتشر زي السكري وربو كشر يعني تعقيد الحواجب مع تقلص البراطم وتغفص الوجه واضهار أصوات مع المناخر أم عراوي أسم الدلع لددسن يكثر أستخدامة عن الكدادة حاشية \ حساب الطبيشي هو ترك العمل دون الاستأذان ويقتصر هذا العمل على أهل الطائف ألأولين وبعض من يتمسك بعاداتهم من الشباب هل يومين أطلق سيقانك مع الريح هو يشبه الركض إلى انه يحتاج فزة أكبر ولا يحتاج إلى نقطه وصول بل يخليها حسب الظروف تيربو هي طاقة كامنه في الجسم تشتغل أو توماتيكيا عند الاحساس بالخطر المحدق وعادتاً يشبك التيربو ولا يفصل إلى عند نقطة بعيده جداً ( أكثر من المطلوب )) .. تحيآآتي لكمـ اخوكمـ الشوـوـوق ... |
|||||||||
|
    
|
|
12-27-07, 03:08 PM
|
#2 | |||||||||
|
هيبة تواضع في قمة كبرياء
تاريخ التّسجيل: Dec 2007
الإقامة: مع كفيلي ...!
مزاجي:
|
.. للتنويه : أنا اضفت عليها بعض التعليقآت لتلطيف جو القصه .. مادري يمكن اكون خربت القصه .. لكن اتمنى ان تعجبكم ...! |
|||||||||
|
|
|
