((عيدك مبارك عسى عيدك سعيد))

ليـــــه ياخلـي تـخـلينـي وحــيد === وانت خابرني لا ضاقت فـزوع

كـم على شانك ثنينا فالـحـديـد === وكـم على يمنـــــاك وقفنا جموع

وكم كتبنا دون ما تطلب جـدـيد === وكم عطينا بس ما تلبث تجوع

وكم بدعنا لأجل عينيك القصيد === لينما صارت حروفي لك شموع

في غياهب رحلة الحب الاكـيد === كنت اضوي لك حروفي يا ولوع

وكم زرعت الورد في كف الجليد === ولا جنيته بس انا طبعي قنوع

لين ذاك الليل اعلـنت الشـديـد === وهلت الدمعه وأنا ماني جزوع

بس بعض أحيان أحس اني بليد === وأرتخي فالحب لكن ما اخوع

ارتخائي عـزه وضـعفي مـجـيـد === ومن نزولي كم تعلمت الطلوع

شامخاً مثل الجبال الشم حـيـد === ولا ارتخى راسي يكوده فالركوع

بـس شوقي فالحنايا مـا يـريـد === غير أساهر نجمة الصبح بدموع

لين صرت أسهر وأهيجن بالنشيد=== وأطلع المرقاب ما عندي ربوع

وصارت القصه مثل حـبً تـليد=== بين مركى سهرتي وأهموم كوع

ولجل وعدي لك اتيتك يوم (عــيد)=== ماخلف اوعودي ولا طبعي قطوع

عيدك مبارك عسى عيدك سـعـيد === وجعل ريح الورد في عيدك يفوع

مانكث اوعودي ولو راسي عنيد=== وساقني طبعي اهنيك ((الربوع))

قلت لك يانور عيني مـا يفيد === وكنت أقوله قبل أعلن النزوع

لأني أعرف لا رحلت تقول نيد === بس أنا في وقتها ما اقول طوع

لو فراقك يقطع فـقلـبي وريـد === ولو ظلام الليل فالفرقى يروع

وكنت خايف من فراقك لا يصيد === قلب نواف وادري الفرقى تصوع

كل هذا لأجـل مـا بـقـى وحـيـد === لأني أرفض كل فكره للرجوووع!!