قصتيـ يوم تحولتـ تمسـاح .. !!

السلام عليكم ورحمة الله وبركاته


بما اني راعيه طويله ,, فأبي الي يدخلون قصتي يكونون راعين طويله بعد


نخليكم مع القصه


--


يوم تحولت تمساح



في يوم من الايام كنت نايمه وأذن المؤذن لصلاة الظهر ..

انا طبعا من عادتي مستحيل اقوم بسرعه لازم احد يعاني معاي الين اقوم

دقت امي باب غرفتي وقامت تصارخ عمشوووه عمشوووه وأنا انواع السفهه ما أرد عليها

وهي أنواع الحقد علي وترفس الباب رفس وأنا وش فيها ذي ما تعبت لاحوول وش يبعدها ذي

إن ما رديت عليها بتبلشني يعني مهيب متحركه من عند الباب الين أقوم من النوم

قلت خليني أقوم وأفك نفسي من هالازعاج قمت اقولها خلاص يا بنت الناس الحين بقوم روحي ..

قالت منيب متحركه من عند الباب الين تقومين وشوف وجهك قلت يعني افهم ان الاخت مشتاقتلي ...!

قالت ما بقي الا انتي بعد اشتاقلك ..

والله ما اقومك الا عشان لا تتعلقين برقبتي يوم القيامه << والله موب لله هذا الحرص كله

قلتلها خلاص دقيقه وانا عندك ..

اول ما قمت من فراشي جلست علي السرير واول حركه سويتها هي ..

اني حكيت رقبتي

يؤ اول مره اسوي هالحركه وش السالفه ..!!

وبعدين الي يسوي هالحركه اخوي صويلح وابوي

يعني حنا مجتمع السحالي مستحيل نسوي هالحركه

نزلت بعدها يدي بسرعه وقعدت افكر وشلون سويت هالحركه ...

واانا منشغله بهالتفكير الا يدي تطير مره ثانيه وتلمس رقبتي وانا في حاله ذهووول !!

وانا منشغله بحك رقبتي الا احس بشي غريب وش هالخشونه ؟؟

حسيت وقتها ان قلبي طلع من مكانه

طبعا مو من خوف من فرحه ان يكون الشي الي فبالي تحقق

قمت من فوق سريري وفي وجهي علامات الذهول والخوف

لان ذا الوقت وبالذات من بعد هالحكه حسيت ان حياتي كلها راح تتغير

تمالكت نفسي وقلت لا ما راح يصير شي دخلت الحمام ووجهي كله معدوم مع النوم

عيني طايره يمين وخشمي رايح شرق وحالتي حاله ..

رحت وقتها اتوضأ عشان اصلي اول ما جيت اغسل يدي الا عيوني تطلع من مكانها

وش ذا وش الي صاير لا مستحيل من ذا << حلوه من ذا

طالعت بيدي حسيت وقتها اني حيوان موب انسان

اجل فيه انسان ماليه يده هالشعر كله مستحيل ما اصدق

الي يشوف بس يدي يقول ماموث موب انسان

وانا اتوضأ قعدت اتامل يدي وقلت لا شكلي بحلم انا ..

!خلني اكمل الوضوء وانقلع اكمل نومي << للان منيب مستوعبه الي يصيير

وانا بوضوئي غسلت وجهي وامسك اشياء غريبه يؤ وش ذا بعد وش الي قاعد يصير

حسيت ان وجهي صار كبير خشمي كبر فمي كبر عيوني طلعت ووجهي صار وسخ مدري وش طلعله بعد

قلت : لا زودوها صراحه وش هالحركات البايخه ما يصير هالحركات

من ذا الي يحاول يستفزني هاه

وانا بهالعصبيه لمحت بنص عيني المرايا وشفت واحد واقف

وجع من ذا الي دخل غرفتي

وانا الي اصارخ باعلى صوووت ..

يوم سمعت صوتي تمالكني خوف شديد هذا صوتي اكيد كيف صار كذا !! وش الي صار بالدنيا !!

رحت اشوف خشتي بالمرايا بسرعه

وانا اطالع واتامل خشتي يؤ هذا انا..اكيد..مستحيل..مااصدق..اخيرا .. اخيرا صرت ولد . . !!!!!!!!

صرت امسك ملامح وجهي الله الله خشمي كبر فمي تغير وجهي تغير

وانا اتامل هالملامح الجديده الا وتجي في بالي اشياء كثيره..

وشلون اطلع من الغرفه اهلي لا شافوني بيقولون من ذا الي طالع ما راح يصدقون انه انا ..

وش اسوي .. وش اسوي

قلت ما علي الا اني اواجههم ولازم يرضون بالي صار ..

اول واحد جا في بالي اخوي صويلح .. اذا شافني كذا وش بتكون ردة فعله من تحول اخته الناعمه الي ولد !!

فتحت باب غرفتي وقمت اطالع فيه احد بيمر ولا لا وانا علي هالحاله

الا وتمر شغالتنا من الممر الي فيه غرفتي

وانا الي تجيني حاله مدري وش هي احساس غريب ما يحسه الا التماسيح!!

حسيت ان عيوني بدت تتقلب من مكانها اول ما شفت شغالتنا

بسرعه سكيت الباب وانا علي خوف وش ذا الاحساس وش الي صاير !!

قلت لازم اروح الان عند اخوي صويلح لازم اقوله..

لازم يعلمني وش اسوي هو اخوي ولازم يتفهم الوضع الي انا فيه ..

جتني شجاعه وقلت لازم الحين اروحله ومسكت طرحتي وتلثمت ذيك التلثيمه عشان امي اذا شافتني ما تشك بشي

فتحت الباب وقمت امشي في الممر الي فيه غرفت اخوي صويلح ..

وصلت لغرفته وقبل ما ادق الباب الا واسمعه يقول انقلعوا من هنا !!

وانا اقول وش فيه ذا الخبل من يكلم واحط اذني علي الباب واسممعه يقول

اقسم بالله العظيم لو ما انقلعتوا من هنا لا أوريكم العين الحمرا !!

قلت والله اخوي قوووي اجل يوريهم العين الحمرا من ذول الي عنده..!

فتحت الباب بسرعه قلت وانا بنت ابوي لافزعلك كم صويلح عندي

وادخل الغرفه في عنف الا وصويلح يقوم من النوم وهو مفززوووع وخايف مني

الولد كان يحلم ولا هو ما عنده ما عند جدتي ولا لو اجيبله جراده تعلق بالمروحه من الخوف

اول ما شافني قال سوي الي تبي خذ الي تبي بس لا تسوي لي شي

قلت وش فيك انت !! بالله ما عرفتني ؟!

قال من انت ما اعرفك

قلتله جد والله ما عرفتني يا حليلي لذي الدرجه تغيرت

قال من انت !! ما اذكر عندي ولد عم او ولد خاله من تكون انت !!