إن جيت يا عيد صفقنا وغنينا
وإن رحت يا عيد ما نحزن ولا نشره
يا عيد يا جرح يقتلنا ويحيينا
(أضنيت قلب الفتى حتى انحنى ظهره)
يا عيد:بحر الفرح ما كان له ميناء
وش فيك يا عيد حديته على صخره
يا عيد كان السحاب يغسل أيدينا
واليوم يا عيد ما يحمل ولا قطره
يا عيد: كان الشتاء يدفى بأغانينا
واليوم ما يدفي أضلاعه سوى العبره
يا عيد عشنا طفولتنا بليالينا
طفولة الحب يوم الله كتب عمره
طفلٍ وطفله تغازلنا أمانينا
(قلوبنا بيض لا تحقد ولا تكره)
لا حسد لا زيف لا كذب نبت فينا
نقول: لا للشتات ونحفظ العشره
صغار وأحباب والدنيا تمنينا
(ومن الجهالة تمنينا نصير أسره)
طفلٍ وطفله وفي كم عام شبينا
وشبت بنا أحلامنا اللي جت على الفطره
ويا ليتنا ما كبرنا يوم حبينا
يا ليت من حب ما يستعجله عمره
حل الفراق ودعينا الله يدنينا
من بعضنا البعض رغم البعد والهجره
رغم القيود اللي ألتفت حوالينا
اللي فرضها علينا الناس والقدره
ياقدرة الله والله ما تناسينا
الحب توه غرير ولينٍ ظفره
الله يا عيد يومٍ كنت تلفينا
(وقت الطفولة) بثوب العيد والغتره
كنت أجمل من الهدوم اللي تغطينا
وأحلى من السكر اللي يغمر السفره
وأزكى من النفحة اللي في أيادينا
وأطيب من الطيب والريحان والزهره
يا عيد لو جيت لا تنسى تعزينا
في موت حلمٍ محاه الوقت من صغره
حلم توفى وهو يبكي وينعينا
بكى نهار النوى حتى انفجر صدره
ولونا ضحكنا وجاملنا أهالينا
(نضحك ونمزح وكلٍ داخله جمره)
يا عيد لا تخدعك ضجة تهانينا
(حنا نهني عشان الناس ما تشره)
والله شوي وأصييييح تذكرت عيدنـــــآآآ أول،،
ونـــــآآس كنا نغليهم،،،
خيتكم\شموخي زلزلهم
أنت غير مسجل في منتديات كشكول . للتسجيل الرجاء إضغط هنـا
الإهداءات
