بيـن هدوئي تختفي قسوة قلبي..!!
الجزء الاول
قامت من النوم وهي مو رايقه ومزاجها معكر .. طالعت جوالها لقت الساعة 11 وكرهت الدنيا لانها تأخرت بنومها
قامت اخدت ليها شاور وبعد نص ساعه راحت تفطر وهي مالها نفس تأكل بس اكلت غصب .. البيت هدوء ومافي احد
امها وابوها راحوو المستشفى .. واخوهاا طالع يفطر مع اصحابه...
تكره الهدوء والبيت لاصاار فاضي ..
قامت شغلت التلفزيون ومالقت شيء تشاهده ..
اخدت جوالها ودقت على صاحبتها ريم
ندى : الووو
ريم : ياهلا ياهلا صباااح الخير ندوووش
ندى : ياهلا صباااح النوور كيفك؟
ريم : تمام و ملانه حدي ودي اطلع السوووق وش رايك تروحين معي العصر
ندى : ياريت ابي اغير مزاجي المتعكر
ريم : اجل اسألي امك وردي لي خبر
ندى : اووكي ..
الا بدخلت امهاا وابوهاا
ندى : ريموو بسكر وبرد عليك بعد شووي انزين
ريم : طيب باااي
ندى : بااايات
ام حامد وابو حامد
السلام..
ندى : وعليكم السلام ليش تأخرتوو
ام حامد : ابد بس بعد ماطلعنا من المستشفى رحنا انا وابوك نتمشى تغير جو
ابو حامد : أي والله غيرنا جو ليتك صاحية بدري كان رحتي ويانا
ندى : اهااا وش اسووي نمت متأخره ..
وبعد السوالف بين ندى وامهاا .. قام ابو حامد
ابو حامد : يلا انا بروح اصلي وبناام لا احد يصحيني قبل 3
وانتي ياام حامد روحي ارتااحي لك شوووي
ام حامد : انشاء الله .. نوم العوافي
ابو حامد : الله يعافيك
(( ندى 21 سنة ثانية جامعه قسم عربي فيها بياض مو طبيعي مأخدته من امها شعرها اسود ناعم لنص ظهرها دبدوبة شوي مرحه وضحوكة ماتحب الهدوء ))
(( ابو حامد 48 يشتغل بشركته يحب السفر و اهم شيء في حياته اولاده ))
(( ام حامد 42 تزوجت ولد خالتها ابو حامد عن حب وسافرت معاه لكندا حتى يكمل دراسته ولما رجعوا بعد 7شهور ولدت بـ حامد وبعد سنوات انجبت ندى ))
في بيت ريم
ريم كانت على النت تكلم صاحباتها وفاتحة المنتدى
سارا** ياكبر حبي لك **: أي وكذا .. وانتي شخبارك مع الاجااازة
ريم :كنت احسبكـ حل بس لقـ ي ـتك همـ...:ابد مافي شيء جديد .. غير الملل .و. الطفش .و. الزهق
سارا** ياكبر حبي لك **:: وانتي كله ملانه ياحظي
ريم كنت احسبكـ حل بس لقـ ي ـتك همـ...:: أي والله ياملانه يا اتناقر مع اخواني تدري من بعد دانه عايشه حياتي بملل
سارا** ياكبر حبي لك **::ههههههه الله يعينك
ريمكنت احسبكـ حل بس لقـ ي ـتك همـ...:: جميعاا يلا سارا بروح اصلي
سارا** ياكبر حبي لك **::مي تووو يلا سي يوو ليتر
ريمكنت احسبكـ حل بس لقـ ي ـتك همـ...:: سيووو
قامت ريم بعد ماسكرت المسنجر صلت ونزلت الصاله شافت امها وسلمت عليها وباست راسها
ام ريم : هلا والله ببنيتي
ريم : ماما ابي ارروح مع ندوش نتسوووق العصر
ام ريم : طيب حبيبتي بس لاتتأخرين
ريم : انشاء الله .. ياربي جيعانه حدي متى بنتغدى ...؟
ام ريم : انتظري اخوانك يجوون وش فيك مستعجلة على الغدا مو عوايدك
ريم : من الصبااح وانا مااكلت شيء .. قامت تطالع بين القنوات .. وحطت قنواات الاغااني وقعدت تسمع اغااني
دق جوالها .. (( ندى الورد ))
ريم : ياهلا ياهلا بندووووش
ندى : اهلين سألت مامي ووافقت نطلع
ريم : اجل جهزي حالك بمرك العصر مو تتأخرين بالطلعة مثل كل مره اوقف ساعه على بابكم
ندى :هههه مابتأخر واذا تبي انتظرك من الحين عند الباب ههههههههه ..
ريم : ههههههه تستهبلين حظرتك بس والله لو اتأخرتي لخلي السايق يمشي عنك
ندى : ماتقدري
ريم : الا اقدر
ندى : اجل روحي لحالك
ريم : لا خلاص تأخري على كيفك بس ماروح لحالي يلا اشوفك العصر
ندى : باااااي
(( ام عناد >> ام ريم عندها عناد ودانه وسعد واخر العنقود ريم متزوجه من 35 سنة من ابو عناد اللي يشتغل بـ ارامكو ))
(( عناد عمره 27 يشتغل ببنك هادىء ورومنسي
(( دانه 25متخرجة من الجامعه بس ماتوظفت تزوجت مشعل وسافرت وياه لـ بريطانيا )
(( سعد 23 يدرس بالجامعه قسم رياضيات يحب ماده الرياضيات بجنون ويتمنى يصير مدرس طيوووب .. وسيم .. مرح ويحب يضحك اللي يجلس معاه ))
(( ريم 21 سنة سنة ثانية بالجامعه تدرس مع ندى بنفس القسم .. دلوعه وطيوبه .. طولها 168 ورشيقة متعلقة باختها وتحبها اكثر من نفسها ))
سكرت ندى وراحت تتغدا مع امهاا واخوها اللي جاا وهم يحطوو الغدا
ندى : هلا بحامد اللي ماينشاااف
حامد : هلا باختي المزعجة ..وماكمل كلامه لانه دق جواله هلا والله بسعودوو
سعود : سعودوو اصغر عيالك انا
حامد : اييي والله ياوليدي الصغير ههههههه
سعود : خخخخخخ شووف الليله الاهل عازمين امك واختك في البيت دقوو ع بيتكم ماتردوو
حامد : والله مدري عنهم انا من شوووي داخل البيت
سعود : المهم قول ليهم ولا تنسى يلا بروح اتغدى
حامد : طيب سلام
بعد ماقفل من سعود قال اقوول ترا الليلة انتي وامي عازمينكم بيت عمي ابو سعود دقوو ع البيت ومارديتو
ام حامد : انا تعبانه ومااقدر ارووح
ندى : وانا مابي ارروح لحالي واصلن بطلع مع ريم
حامد : اجل دقوو عليهم وقولو ليهم
ندى : اوكي بدق ع سوسو بعدين
وكملوو غدااهم
(( حامد 26 سنة يشتغل في شركة الاتصالات وسيم اسمرني حلو طيوب مره ))
في بيت عمهم ابو سعود
سوسو : يمه متى قالوا بجو بيت عمي
ام سعود : دقيت عليهم وماردوو فقلت لسعود يقول لحامد يقول لامه واخته
سوسو : اهااا .. اجل بكلم ندى وبشوف
اخدت جوالها ودقت ع ندى
ندى طالعه من المطبخ وبيدها الشاهي والحلا
دق جوالها طالع حامد بالاسم (( SOoSoO ))
اكيد هذي بنت عمي ..
حطت اللي بيدها واخدت الجوال اللي كان قريب من حامد
ندى : هلا سوسو
سوسو : اهلين كيفك ..؟
ندى : الحمد لله وانتي ..؟
سوسو : تمااام والله زمان عنك وعن سوالفك يالقاطعه
جت الاجازة ونسيتينااا
ندى : اللي يشوفك يقول انتي الواصله وكل يوم تسألين عني وعن اخبارري
سوسو : لايكثر .. هااا متى بتجون عندنا ..
ندى : امي تعباانه ومراح تجي وانا بروح السوق مع ريموو وش رايك تجين معانا
سوسو : من شوي كنت معها ع المسن ماقالت ليي بس أي بروح متى بتمرون علي
ندى : بعد ساعه تكوني جاهزة
سوسو : انزين اجل بتجهز من الحين حتى لااتأخر وتروحو عني بااااي
ندى : الله معك
ام سعود : على وين ..؟
سوسو : بروح مع ندى وريم نتسوووق و ام
حامد تراها تعبااانه ومرراح تجي
ام سعود : ماتشوف شر .. طيب انتي روحي ولا تتأخرري
سوسو على طول قامت تجهز حالها .. لبست بنطلون جنز وتي شيرت اورنج و حطت كحله خفيفه ورفعت شعرها وبان شكلها نااعم مع ملامحها الناعمه وجسمها الرشيق
(( ام سعود عندها سعود وسارا ))
(( سعود 26 سنة يشتغل في شركة الاتصالات مع حامد وهم اصدقاء من صغرهم وشخصيتهم متقاربه من بعض ))
(( سارا اسم الدلع سوسو 21 سنه ثانيه بالجامعه تدرس مع ريم وندى مزاجية وماتحب الدلع ))
في بيت ريم
طلعت وهي متجهزه وكاشخه وجوالها الفوشي بيدها تكلم ندى
ندى : خلاص كاني جهزت وجالسة انتظرك بالصالة
ريم : اها كده حلووو يلا دقايق وانا عند بيتكم
ندى : أي صح نسيت اقولك بتروح سوسو بنت عمي ويانا
ريم : اوكي قولي لها تجهز حالها مانبي تأخير >>> البنت ماعندها وقت ابد ع طول مستعجلة
ندى : اوووكي ..
في غرفه من غرف الفله او بالمعنى الاصح قصر
كانت عند المرايا تطالع في ملامحها وهي تقوول في بالها
انا حلوة وجسمي رشيق كاني عارضة ازياء وقمره معقولة ماعجبت احد من اللي كانوا بالحفلة .. طيب ليه للان ماحد تقدم لي وخطبني .. اممممممم ليه ...
بينما هي تفكر وسارحه بخيالها لبعيد لـ اسأله مالقت لها حل دقت ميري الباب ..
ميري : ماما تقول انت في انزل تحت يبغى يشوفك
ليال : بسم الله خرعتيني انتي ماتعرفي تدقي الباب
ميري : دقيت انت مافي يسمع
ليال : انزين انزين سكتي مالت عليك
ميري : انزل لماما يبغى يشوف انتا
تعطرت وكانت لابسه برمودا وبدي تركواز وطالعت حالها بالمرايا الكبيرة اللي قدامها وقالت قمر ماشاء الله عليا طلعت من غرفتها وراحت الصاله اللي امها جالسة فيها
ليال : مساء الخير مـــامي
ام ليال : هلا ليالي كيفك ؟
ليال : تمام عال العال ايش بغيتي ...؟
ام ليال : اليوم بيجوا لينا ناس يبون يشوفوك
لياال والفرحه باينه في عينها قالت بكل غرور
اكيد مليونير مو مامي لانو انا برنسيسه ومايناسبني الا مليونير واكيد عجبهم جمالي لاني احلى بنوووته في كل مكان ووين مااروح ...الا مااامي ماقلتي لي من أي عايله وايش اسمه ووين يشتغل ...؟
ام ليال : وحده وحده تبيني اجاوب على كل دولا .. المهم بعد صلاه العشاء بيجون روحي جهزي حالك وتكشخي و
قاطعتها ليال
ليال : انا من دون شي حلوه ومره كشخه قصدك تبيني ازيد كشختي مو اتكشخ .. والحين بكلم ساندرا تجي تحط لي ميك اب ... سي يو مااما
وراحت اتكلم الكوافيرا ساندرا ودخلت الجناح اللي فيه غرفتها ..
رجعت للمرايا انا حلوه لكذا خطبني الماليونير وفتحت خزانتها تختار وش تلبس واحتارت طلعت نص ملابسها ولا عجبها شيء ... وبالاخير طلعت فستان ناعم على الصدر مليان كرستال وفصوص وجاي كلوش من تحت لفوق الركبة لونه رمادي على بني فاتح
في المجمع ***
ريم : آني تعبت من لفراره من محل لمحل وجوعاانه يلا نروح ناكل شيء
سوسو : أي والله تعب
ريم : يلا اجل نروح ناكل شيء صار لينا 3 ساعات واحنا نتسوق
ندى : بليز بنات بس بدخل هذا المحل وبعدها نروح ناكل
سوسو وريم : لالالالا بناكل بعدين ادخلي هالمحل
سوسو :واصلا مو باين عليه حلو ولا ينشرا منه شيء يلا امشي بس
ندى : اجل روحوا واني بدخل وبعدين بروح ليكم اتفقنا ؟
سوسو وريم : انزين لا طولي واحنا مراح نشتري لك اكل فـ اشتري لك وانتي راجعه ...
راحوا سوسو وندى لجهه المطاعم واشتروا ليهم اكل وجلسوا على طاوله عند الزاوية بعيدة شوي من زحمة الناس
ندى دخلت المحل ولقت ليها اكسسوارت عجبوها وجت تحاسب
المحاسب : 67 ريال
ندى طلعت الفلوس وعطته اياهم واخدت اغراضها ومشت
وهي رايحه للبنات في جهه المطاعم صقعت بواحد وهي كانت تناظر تدور سوسو وريم
ندى : سوري مانتبهت
احمد : مو مشكلة اختي بس مره ثانية انتبهي
ندى مشت وهي حدها متفشلة من الموقف
احمد مشى ودق جواله ورد على خويه
ناصر : ياهلا بحموووود
أنت غير مسجل في منتديات كشكول . للتسجيل الرجاء إضغط هنـا
الإهداءات
